Kalaallit
Nunaanni Naatsorsueqqissaartarneq
Kalaallit
Nunaanni Naatsorsueqqissaartarfik Kalaallit Nunaanni qitiusumik
sammisaqarfiulluni oqartussaqarfiuvoq. Naatsorsueqqissaartarfik
akisussaaffeqarfiuvoq nammineq ingerlasoq Namminersorlutik Oqartussat
Aningaasaqarnermut Naalakkersuisoqarfiata ataani Namminersornerusunit
aningaasalerneqarluni taamatullu inunnit immikkut suliassiisunit pisortaqafinnillu.
Naatsorsueqqissaartarfik
katersisarpoq, suliaqartarpoq Kalaallillu Nunaanni inuiaqatigiinnut tunngasunik
tamanut kisitsisitigut paasissutissiuisarluni, politikkikkut allaffissornikkullu aalajangiisarnernut
misissueqqissaarnernullu inuiaqatigiinnilu ilisimatusarnermut
paasissutissaateqarnissaq qulakkeerumallugu.
Naatsorsueqqissaartarfiup
inatsisitigut tunngavia Inatsisartut
Naatsorsueqqissaartarfik pillugu inatsisaat nr. 11 29. oktober 1999-imeersumi
atuarneqarsinnaavoq.
2016-imi
januaarip aallaqqaataani inatsit allanngorpoq. Inatsit nutaaq malillugu
maleruagassat malillugit naammassinnittoqarsimatillugu Naatsorsueqqissaartarfik
paasissutissanik katersanik tunniussisinnaalerpoq. Inatsisartut
Naatsorsueqqissaartarfik pillugu inatsisaata allanngortinneqarneranik
Inatsisartut inatsisaat nr. 36, 9. december 2015-imeersoq (Paasissutissanik
ingerlatitseqqinneq, siulersuisut ajunngitsorsiassaat) .
2017-imi
novembarip 17-ianni inatsit allanngortinneqaqqippoq, tamatumuuna siulersiusunut ilaasortat
akissarsisinneqarsinnaanngortillugit. Naatsorsueqqissaartarfik
pillugu Inatsisartut inatsisaata allanngortinneqarneranik Inatsisartut
inatsisaat nr. 28, 17. november 2017-imeersoq.
Naatsorsueqqissaartarfiup
inunnut paasissutissanik suliaqartarnera pillugu Inunnut paasissutissanik
suliarinnittarneq pillugu inatsisit tunngavigalugu Datatilsynimut
(Paasissutissanik katersisarnermi nakkutilliisuutitamut)
nalunaarutigineqarnikuuvoq, taanna pillugu una oqaaseqaat
Naatsorsueqqissaartarfimmit tiguneqarpoq.
http://www.stat.gl/publ/da/GS/Frontpage/Udtalelse.pdf